Хүн өөрт таалагдсан үнэртэй сүрчгээ худалдан авдаг. Харин сүүлийн үед бүсгүйчүүд үнэрээс гадна сүрчигний савны хэлбэр, донжийг шилж сонгодог болсон. Тэр ч бүү хэл эдэлж хэрэглэж байгаа үнэртэй усных нь саваар тухайн бүсгүйн зан төрхийг тодорхойлж болдог гэнэ.

Хэлбэр нь уртавтар бөгөөд маш энгийн
Ажил хэрэгч, эмх цэгцтэй, тал бүрийн авъяастай бүсгүйчүүд голдуу хэрэглэдэг. Тэд гоёмсог дэгжин хувцасладаг хэрнээ хашир буурьтай хүмүүс.

Гурвалжин
Ийм савтай сүрчгийг ихэвчлэн сонгодог зохиол унших дуртай болон урлагийнхан, өөрийгөө өвөрмөц стильтэй гэж илэрхийлэх дуртай бүсгүйчүүд хэрэглэдэг. Тэд мэдрэмж сайтай.

Бяцхан
Энгийн хэлбэртэй, тод өнгийн, элдэв чимэггүй сүрчиг нь голдуу цэвэрч, даруухан бүсгүйн төлөвийг илтгэдэг. Бяцхан савтай үнэртэнд дуртай бүсгүйчүүд чамин тансаг зүйлд тэмүүлдэггүй, ажил хэрэгч, тайван, нууцлагдмал байдгаас гадна байгальд хайртай, спортоор хичээллэх дуртай байдаг гэж сэтгэл зүйчид тодорхойлжээ.

Этгээд
Сав нь этгээд маягийн тоглоом шиг хэлбэртэй сүрчиг хэрэглэдэг бүсгүй наргиан цэнгээнд дуртай, олны хараанд өртөх сонирхолтой байдаг гэнэ.

Дугараг
Ийм савтай сүрчиг хэрэглэдэг бүсгүй мөрөөдөмтгий, эелдэг ааштай, уур уцаар багатай.

Дөрвөлжин
Нарийвтар, чамин хэлбэртэй савтай сүрчигт гял цал бүсгүйчүүд дурладаг. Өндөр үнэтэй гоёлын хувцас, үнэт эдлэлд дуртай. Тэд тогтвортой байдлыг үнэлдэг, нэгэн хэвийн амьдралтай.

/Монголчуудын амьдрал/